Postgarden på Øpsta

Postgarden på Øpsta merkjer seg ut i landskapet. Ei okergul lemstove og eit kvitmåla sveitserhus med oker lister, ber bod om eit 1800-tals tun i god hevd; næraste granne til den vakre gamle prestegarden. I Øpstatunet var det postopneri i over hundre år, fram til 1970-åra. I dag kan du gå den gamle postvegen over fjellet til Strandvik; ein del av «Den Stavangerske Postvei».