Marknadsplassen på Hallingskeid

Når du i dag susar av stad med toget langs Bergensbanen mellom Hallingskeid og Myrdal, er det kanskje vanskeleg å forstå at her oppe på snaue høgfjellet var ein av dei store marknadsplassane og møtestadene i ferdsla mellom aust og vest. Men slik er det. Grøndalsmarknaden låg ved den gamle ferdslevegen mellom Austlandet og Vestlandet, i Øvre Grøndal, litt ovanfor Osastølen.